前線前線黐左線

這個星期開始，晚晚最前線又再加碼，繼19、20、22後，連23、24都搞埋最前線，不過好明顯係人做我又做之作，睇完只想反檯。

成個卡士標榜甚麼新聞通識、又有明日焦點，加上超多古怪口水TAG，同體育另自一PART，真正係報新聞時間比正常卡士短好多，要認認真真睇新聞的話，一定唔夠。無他、老細見人地無記玩輕鬆，人做佢又要跟風做埋一分，卻沒想過自己台的價值在哪裡。

新聞即目要玩形式，本身冇乜問題，但適可宜止，始終先要有內容。但事實是這一兩年間，故仔內容退步、出錯比比皆是，何解不多投多資源，搞好故仔，現在只偏重形式，根本就係本末倒置。

昨晚又發現，經常鬼鼠地在右下角出現的《明日天氣》，有同事謂就像玩台慶節目，估幸運數字出現熒幕次數，這樣出法真係搵黎搞。而且在24卡士還有出，但過了午夜，根本不算是"明日"天氣，嚴格來說更是出錯。